Наша мэта — падтрымаць незалежных беларускіх аўтараў у распрацоўцы медыяпраектаў, сфакусаваных на сацыяльна значных тэмах. Гэта ўключае ў сябе прадстаўленне розных пунктаў гледжання, звязаных з культурай і ідэнтычнасцю беларускага народа, з мэтай стварыць глыбокі і эмпатычны дыскурс.
Праекты з шырокага спектру медыяплатформ, фарматаў і жанраў, у тым ліку вэб-праекты (паводле сцэнару або без сцэнару), дакументальныя фільмы/серыялы, мастацкія фільмы і тэлевізійныя пілотныя праекты, а таксама інтэрактыўны або імерсіўны XR-кантэнт.
Праекты могуць ахопліваць шырокі спектр тэм, у тым ліку беларускую культурную ідэнтычнасць і мову, сацыяльнае і эканамічнае развіццё, гістарычныя падзеі, мінулае, сучаснасць і будучыню краіны.
Галоўная мэта — стымуляваць змястоўныя дыскусіі.
Канчатковы «жыццяздольны» прадукт павінен быць створаны пасля шасцімесячнага перыяду распрацоўкі разам з ментарам. Найважнейшым патрабаваннем пры адборы ёсць тое, што праект можа быць завершаны за абмежаваны час.
Мэтавай аўдыторыяй праекта павінны быць беларусы, якія жывуць у краіне і за мяжой. Могуць быць падтрыманыя праекты, накіраваныя на стварэнне кантэнту на беларускай або рускай мовах.
Лабараторыя будзе складацца з комплекснай шасцімесячнай праграмы пад кіраўніцтвам ментара, а таксама непасрэднай фінансавай падтрымкі ўсяго бюджэту праекта або яго часткі. Фінансаванне будзе залежаць ад патрэбаў праекта на аснове наступных дзвюх катэгорый:
Катэгорыя 1: Нізкабюджэтныя вэб-праекты або XR-праекты (інтэрактыўны або імерсіўны кантэнт) атрымаюць падтрымку ў распрацоўцы, вытворчасці і публікацыі. Чакаецца, што гэтыя праекты будуць завершаны і гатовыя да распаўсюду або запуску да канца 2024 года (на працягу шасці-дзевяці месяцаў).
Катэгорыя 2: Высокабюджэтны фільм ці тэлесерыял атрымае падтрымку для стварэння матэрыялаў пачатковай стадыі, у тым ліку:
Яны таксама мусяць быць публічна прадстаўленыя (напрыклад, для ўдзелу ў пітч-конкурсе або мерапрыемстве па фінансаванні сумеснай вытворчасці) да канца 2024 года.
Каманды могуць складацца з грамадзян любой краіны, якія прадэманстравалі цікавасць і/або сувязь з тэмамі, звязанымі з Беларуссю. Усе праекты будуць ацэньвацца на аснове таго, наколькі блізка яны адпавядаюць тэме лабараторыі.
Для ўдзелу не патрабуецца мінімальнага досведу. Аднак будуць карысныя падборкі завершаных праектаў, спасылкі ці рэкамендацыі, а таксама іншыя прыклады досведу працы каманды.
Удзельнічаць могуць каманды фізічных асоб (старэйшыя за 18 гадоў), а таксама юрыдычныя асобы або вытворчыя кампаніі.
Заяўкі на ўдзел у лабараторыі павінны быць адасланы праз форму на гэтай старонцы. Усе заяўкі павінны быць пададзеныя да 19 лютага 2024 года і могуць быць запоўненыя на беларускай, рускай або ангельскай мовах.
Кожны ўдзельнік можа прапанаваць толькі адзін праект для разгляду на этапе адбору.
Пасля таго як усе заяўкі будуць атрыманыя, журы, якое складаецца з беларускіх і міжнародных медыяпрафесіяналаў, прагаласуе, каб выбраць пяць праектаў, якія возьмуць удзел у лабараторыі і атрымаюць фінансаванне.
У канцы лютага 2024 года адбудзецца вочнае мерапрыемства (у Еўрапейскай лакацыі TBD), дзе ўдзельнікі сустрэнуцца з арганізатарамі і экспертамі (праезд і пражыванне будуць пакрытыя арганізатарамі). Падчас гэтай вочнай сесіі пачнуцца абмеркаванні творчага развіцця і будуць вызначаныя асноўныя этапы праекта.
У сакавіку 2024 года эксперты ацэняць патрэбы кожнай каманды і прапануюць шлях развіцця, заснаваны на канкрэтных патрэбах кожнага праекта. Акрамя таго, каманды завершаць кантрольныя этапы і аформяць пагадненні аб фінансаванні.
З сакавіка па жнівень 2024 года ўдзельнікі лабараторыі будуць атрымліваць ментарскую падтрымку анлайн, і, па магчымасці, адбудуцца вочныя сустрэчы (выдаткі на праезд і пражыванне будуць пакрытыя арганізатарамі).
У верасні 2024 года адбудзецца заключнае мерапрыемства, на якім удзельнікі лабараторыі прэзентуюць свае праекты.
Рашэнні адносна адбору ўдзельнікаў і размеркавання падтрымкі прымаюцца арганізацыйным камітэтам, у які ўваходзяць:
Усе аўтарскія правы на кантэнт, створаны ў ходзе лабараторыі, застаюцца за камандамі, якія ўдзельнічаюць, і ў далейшым яны могуць выкарыстоўваць яго без якіх-небудзь абмежаванняў.
Калі ласка, напішыце на гэты адрас promo@dmi.lt , і мы будзем рады адказаць на любыя вашы пытанні пра лабараторыю.
Конкурс арганізаваны Democratic Media Institute, літоўскай няўрадавай арганізацыяй, якая падтрымлівае развіццё незалежных медыяў.
